V
.
2
.
Flug og flugvellir
Undir flug í viðskiptakerfi ESB með losunarheimildir (ETS) flokkast losun gróðurhúsalofttegunda íslenskra flugrekenda vegna flugs innan Evrópska efnahagssvæðisins (EES) yfir ákveðnum þröskuldi. Það á líka við um innanlandsflug. Losun vegna flugs utan EES-svæðisins fellur alla jafna undir CORSIA-kerfi Alþjóðaflugmálastofnunarinnar.
Losun innan viðskiptakerfisins frá íslenskum flugrekendum
Loftslagsaðgerðir fyrir flug og flugvelli skiptast annars vegar í uppbyggingu innviða, s.s. varaflugvalla, til að draga úr eldsneytisþörf þeirra flugvéla sem fljúga um íslenskt flugumferðarstjórnarsvæði sem og uppbyggingu þeirra innviða sem þörf er á við orkuskipti á flugvöllum. Þá ber stjórnvöldum einnig að ganga úr skugga um að farið verði í kerfislegar umbreytingar sem styðja þarf, s.s. nýsköpun og tækni í flugi. Sú aðgerð sem metin er til samdráttar miðar að þrepaskiptri kröfu um lágmarkshlutdeild sjálfbærs flugvélaeldsneytis.
