Samdráttur í losun gróðurhúsalofttegunda vegna landnotkunar

Talið er að árangursríkasta aðgerðin til að draga úr losun frá landi sé að endurheimta votlendi og mýrlendi. Sérstök áhersla verður lögð á endurheimtarverkefni á jörðum í eigu ríkisins

Vonir standa til að nýtt og endurskoðað styrkjakerfi í landgræðslu og skógrækt fyrir einkajarðir hvetji landeigendur enn frekar til að bæta landnýtingu eigin jarða í þágu loftslagsmála og dragi þannig úr losun gróðurhúsalofttegunda frá landi. Kannað verður hvort hægt sé að móta aðferðafræði við endurheimt votlendis sem uppfyllir verklag og staðla til að hægt sé að skrá kolefnisbindingu svæðanna sem vottaðar hágæðakolefniseiningar. Áætlað er að kortleggja og greina hvort fýsilegt sé að leggja á kolefnisgjald vegna breytinga á landnotkun sem hefur í för með sér umtals¬verða losun gróðurhúsalofttegunda í ljósi þess að slíkar breytingar geta einnig leitt af sér fjárhagslegar skuld¬bindingar fyrir íslenska ríkið.